OsteoStrong er byltingarkennt kerfi sem hjálpar fólki að styrkja vöðva, minnka verki í liðum og stoðkerfi, styrkja bein og auka jafnvægi með góðum árangri. Ástundun tekur stuttan tíma, eða 10-20 mínútur á viku. Um áramót eru margir sem setja sér markmið um bætta heilsu og líðan.
Janúar og áramót er svo góður tími til þess að breyta til og koma sér af stað í eitthvað nýtt og spennandi. „Það eru skrítnir tímar núna. Margir eru dottnir út úr reglubundinni hreyfingu og þá getur verið erfitt að koma sér af stað aftur. Styrktaræfingar hjá OsteoStrong taka bara 10 mínútur einu sinni í viku. Fólk mætir í venjulegum fötum, tekur á, svitnar ekki en getur fylgst mjög vel með styrktaraukningu. Þess vegna er ástundun hjá OsteoStrong svo frábær leið til þess að koma sér af stað, ekki síst á meðan sóttvarnalög eru enn svona ríkur þáttur af daglega lífinu. Við heyrum gleði- og árangurssögur nánast á hverjum degi,“ segir Örn Helgason en hann og kona hans, Svanlaug Jóhannsdóttir, eru eigendur OsteoStrong.
„Það er frábært að fá svona mikla staðfestingu á því að kerfið virkar til þess að bæta styrk og minnka verki,“ segir Örn. „Flestir fara strax að hvetja vini og ættingja til að mæta. Sumir koma bara í nokkra mánuði og þurfa ekki meira, aðrir hafa ákveðið að gera ástundun að hluta af heilbrigðum lífsstíl,“ bætir hann við. „Það hefur líka verið ánægjulegt hversu mikið af fólki úr heilbrigðisgeiranum hefur kynnt sér starfsemina, eins og læknar, hjúkrunarfræðingar, sjúkraþjálfarar og aðrir sem láta sig heilbrigði varða.“
4.000 Íslendingar hafa prófað OsteoStrong
Flestir geta nýtt sér það sem OsteoStrong býður upp á, fólk á öllum aldri, óháð líkamlegu atgervi. „Með ástundun OsteoStrong þéttast beinin, vöðvar, sinar og liðbönd. Tæki OsteoStrong gera meðlimum kleift að ýta frá sér fleiri kílóum en er mögulegt annars staðar, oft álagi sem samsvarar margfaldri líkamsþyngd þeirra, með eins öruggum hætti og hægt er. „Þess vegna gerast hlutirnir oft hraðar hérna heldur en við aðra hreyfingu. Fólk losnar gjarnan við verki, eykur jafnvægi og orku. Þá er svo miklu skemmtilegra að vera til,“ segir Svanlaug.
Betra jafnvægi
„Fólk sér fyrst mun á jafnvæginu. Eftir aðeins fimm skipti er fólk að meðaltali búið að bæta það um 77%. Fyrir suma þýðir það að þeir eru betri í golfi, eða stöðugri í jógatímum. Fyrir aðra þýðir þetta að þeir geta sleppt göngugrindinni, eða átt auðveldara með að ganga.“
Einmitt það sem þarf
Fólk sem stundar OsteoStrong er á öllum aldri og mjög mismunandi á sig komið. Margir nota þetta sem viðbót við aðra þjálfun, en fyrir suma er þetta það eina sem þeir geta stundað.
„Það er ekki meiningin að við séum eina hreyfingin sem fólk stundar. Við hvetjum fólk endilega til að gera allt sem því þykir skemmtilegt. Fyrir suma erum við það fyrsta sem þeir geta gert eftir að hafa dottið út úr hreyfingu í langan tíma. Fyrir aðra þá erum við einmitt hjálpin sem þarf, til þess að ná markmiðum sínum í þríþrautinni,“ bætir Örn við.
Hámarksárangur á lágmarkstíma hjá OsteoStrong
Meðlimir geta átt von á að:
- Minnka verki í baki og liðamótum
- Lækka langtíma blóðsykur
- Auka beinþéttni
- Bæta líkamsstöðu
- Auka jafnvægi
- Auka styrk
- Minnka líkur á álagsmeiðslum
- Álag þéttir vöðva
OsteoStrong býður upp á ókeypis prufutíma á fimmtudögum og föstudögum í Borgartúni 24. Áhugasamir geta skráð sig á osteostrong.is eða í síma 419 9200.
Miklu orkumeiri
„Mig langar svo oft að gera alls kyns hluti sem ég hef hreinlega ekki orku til. Ég sló til og mætti í prufutíma hjá OsteoStrong eftir að hafa fylgst með þeim í nokkurn tíma. Eftir annað skiptið fór ég að finna breytingu. Ég var töluvert orkumeiri en vissi ekki hvort þetta væru nokkrir góðir dagar hjá mér eða að OsteoStrong væri að virka. Núna er ég búin með fimm tíma og orkan sem ég fann fyrir eftir tímana tvo hefur haldið áfram. Ég hef ekki átt svona marga góða daga í mjög langan tíma. Svefninn breyttist líka. Ég er fljótari að sofna og vakna úthvíldari og á því betra með að vakna. Ég ætla því hiklaust að halda áfram hjá OsteoStrong og mæli með því að fólk prófi,“ segir Ingibjörg Eiríksdóttir.
Jafnvægi eykur lífsgæði
„Síðastliðin fimm ár hef ég lagt mikið upp úr því að finna leiðir til þess að bæta jafnvægið. Ég tók meðal annars í fyrra þátt í rannsókn á jafnvægi á Landakoti sem stóð í þrjá mánuði. Þá gerði maður sjálfur æfingar í 15 mínútur á dag og fór vikulega til sjúkraþjálfara, það reyndist mér vel. Ég er þess vegna orðin mjög meðvituð um virkni og áhrif jafnvægisæfinga. Ég var því rosalega hissa eftir að hafa farið í prufutíma hjá OsteoStrong að finna að ég fann strax mun á jafnvæginu! Einungis fjögur tæki í stutta tíma með hlutfallslega litlu átaki þrátt fyrir hámarksaf lsbeitingu. Ég fann einnig á örfáum vikum hvernig þetta hafði jákvæð áhrif á allt stoðkerfið. Það eru lífsgæði að vera með gott jafnvægi,“ segir Magný Jóhannesdóttir
Fljótlega verkjalaus
„OsteoStrong er í mínum huga styrkur, kraftur og hreysti. Ég varð fljótlega verkjalaus eftir að hefja ástundun hérna. Ég fann það strax eftir fyrsta tímann hérna og hef fundið það aukast síðan að þegar ég er að ganga á fjöll finn ég fyrir meiri krafti, meiri orku og meiri gleði. Alltaf þegar ég kem í OsteoStrong mætir mér hlýja, virðing og fagmennska. Ég er þakklát fyrir að hafa verið leidd hér inn og mun vera hér áfram,“ segir Lísbet Grímsdóttir, lífeindafræðingur og fjallgöngumaður.
